كتبت/بسمه عطيه
وشئ مكسور فى جدران الهوا المكتوم
وحلم غريب بيوصلى ومش مفهوم
وكل م انام بيجى الحلم ينادينى وارد عليه
واشوف الحلم فى نهايته هيحصل ايه
واقوم من حلمى القى غشاوه فى عنيه
واقول الحلم مش ليه ولازم اقوم
واعدى اليوم وانام تانى
ويجى الحلم فى منامى
واحاول افهم الموضوع
الاقى طريق مفهوش رجوع
طريق عتمه ومش باين ومش مفهوم
طريق الحلم ممدود زى طرف الخيط
طريق جربته اوصله خبطت فى حيط
واتارى حلمى كان من الوهم
وانا للوهم ده عدات
وخلصت يومها احلامى وما لقاتها
وتاهت دنيتى الضلمه فى عتمتها
لقات عينى بتتعذب عشان ترتاح
وعينى خلاص بقت خايفه تدوق النوم
